❤श्री राधा मदनमोहन❤

ब्‍याहीं अनब्‍याहीं ब्रज माहीं सब चाही तासौं, दूनी सकुचाहीं दीठि परै न जुन्‍हैया की। नेकु मुसकानि रसखानि को बिलोकति ही, चेरी होति एक बार कुंजनि दिखैया की। मेरो कह्यौ मानि अंत मेरो गुन मानिहै री, प्रात खात जात न सकात सोहैं मैया की। माई की अटंक तौ लौं सासु की हटक जौ लौं, देखी ना लटक मेरे दूलह कन्‍हैया की।। ❤अंगनि अंग मिलाइ दोऊ रसखानि रहे लिपटे तरु घाहीं। संगनि संग अनंग को रंग सुरंग सनी पिय दै गल बाहीं। बैन ज्‍यौं मैन सु ऐन सनेह को लूटि रहे रति अंदर जाहीं। नीबी गहै कुच कंचन कुंभ कहै बनिता पिय नाही जु नाहीं।।❤ अँखियाँ अँखियाँ सों सकाइ मिलाइ हिलाइ रिझाइ हियो हरिबो। बतिया चित चोरन चेटक सी रस चारु चरित्रन ऊचिरबो। रसखानि के प्रान सुधा भरिबो अधरान पै त्‍यौं अधरा धरिबो। इतने सब मैन के मोहिनी जंत्र पै मंत्र वसीकर सो करिबौ।।

Tags:

Krishna radha

Rate this picture:

• Create an Ecard

Short Link to this page:

• Report Bad Content