श्री राधा वृन्दावनबिहारी

झूलत हरित कुंज पिय-प्यारी। हरित हिंडोरे, हरित डार में, हरित डोर डारे हरि‌आरी॥ पावस ऋतु तरु-लता हरित सब, हरित भूमि-तृण-छबि अनियारी। हरित बसन, आभरन हरित सब, आसन हरित, हँसनि हियहारी। हरित सखी दो‌उ ओर झुलावत, हरित हिये हर्षित अतिभारी। हरित राग गावत मलार सखि, हरि-हरि मनहारिनि सुखकारी॥ पीत-स्याम मिलि भयौ हरित रँग रूप मदन-कोटिन-मदहारी। खग-मृग हरित निहारत प्रमुदित मधुर स्याम-स्यामा सुकुमारी॥ ♥️ झूलत फूल हिंडोरे स्याम। स्यामा-सहित, वदन सुचि सुस्मित, चहुँ दिसि फूल ललाम॥ फूल हिंडोरा, फूल सुडोरी, आसन फूल सुठाम। ता पर सुमन-सुकोमल राजत दो‌ऊ मन अभिराम॥ फूल झूल रहे नील-पीतपट, फूलन के सृङ्गार। करनफूल-कुंडल फूलन के, फूलन के गल-हार॥ दो‌उन के सब अंग सुसोभित विविध सुगंधित फूल। सखी-सहचरी झूला दै-दै रहीं मनहिं-मन फूल॥

Tags:

Krishna radha

Rate this picture:

• Create an Ecard

Short Link to this page:

• Report Bad Content