★श्रीनित्यनिकुंजबिहारी★

: This Stamp has been used 6 times
: मैं बलि जाउँ स्याम-मुख-छबि पर । बलि-बलि जाउँ कुटिल कच बिथुरे, बलि भृकुटी लिलाट पर ॥ बलि-बलि जाउँ चारु अवलोकनि, बलि-बलि कुंडल-रबि की । बलि-बलि जाउँ नासिका सुललित, बलिहारी वा छबि की ॥ बलि-बलि जाउँ अरुन अधरनि की, बिद्रुम-बिंब लजावन । मैं बलि जाउँ दसन चमकनि की, बारौं तड़ितनि सावन ॥ मैं बलि जाउँ ललित ठोड़ी पर, बलि मोतिनि की माल । सुर निरखि तन-मन बलिहारौं, बलि बलि जसुमति-लाल ॥
Tags:: Krishna